„Развітанне з летам” у Бельску Падляшскім
У Бельску Паддяшскім пройдзе фэст „Развітанне з летам”. У гарадскім амфітэатры можна будзе паслухаць музыку ў выкананні музычных калектываў, пакаштаваць кулінарныя стравы, а таксама гародніну, якую вырошчваюць бельскія агароднікі-аматары.
„Падзея будзе складацца з двух асноўных частак”, – кажа Альжбета Фіёнік з дома культуры:
– Па-першае, гэта фэст для тых, хто мае свой агарод і хацеў б пахваліцца тым, што вырасціў напрацягу гэтага лета: дыні, памідоры, агуркі, кветкі. Можна будзе пачаставацца вырабамі. Будуць конкурсы з выкарыстаннем гэтых пладоў. Другі аспект – канцэрты. Акрамя нашых калектываў будуць калектывы з Беларусі: цыркавы калектыў „Вяснушкі” з кобрынскага палаца культуры, а таксама вакальны калектыў з Пружан, які яшчэ не быў у Бельску.
Фэст пачнецца ў парку каралевы Алены ў Бельску Падляшскім у суботу 2-га верасня а 16:00.
Мацей Рацінеўскі, Беларускае Радыё Рацыя
