Cadillac з расейскімі нумарамі пратараніў сем аўтамабіляў
У Менску кіроўца на Cadillac разбіў сем прыпаркаваных у двары аўтамабіляў. Пра гэта паведаміла прадстаўнік ДАІ Фрунзенскага раёна Алена Волчак.
Інцыдэнт адбыўся 17 верасня, каля 16.20. 38-гадовы кіроўца Cadillac Escalade ехаў па двары дома № 56 на вуліцы Матусевіча. У нейкі момант мужчына не справіўся з кіраваннем і пратараніў сем прыпаркаваных аўтамабіляў.
Як паведамілі ў ДАІ, кіроўцу Cadillac затрымалі відавочцы ДТЗ. Паводле папярэдняй інфармацыі, ён знаходзіўся ў стане алкагольнага ап’янення. Інспектары адвезлі мужчыну на медасведчанне.
Па гэтым факце праводзіцца праверка.
Фота: ДАІ Фрунзенскага раёна
