У iOS 11 з’явілася беларуская клавіятура
Цяпер можна спакойна выкарыстоўваць i Ў. Раней беларускім уладальнікам айфонаў прыходзілася няпроста. У аперацыйнай сістэме iOS проста не было клавіятуры з беларускай раскладкай. У выніку, каб напісаць літару „i”, даводзілася пераключацца на ангельскую раскладку, а „ў” – альбо капіяваць адкуль-небудзь, альбо наогул не выкарыстоўваць. А многія ўсталёўвалі спецыяльныя прыкладанні з беларускай клавіятурай.
І вось адбылося! У iOS 11, якая ўчора стала даступная карыстальнікам ва ўсім свеце, ёсць беларуская раскладка. Абраць яе можна ў наладах, там жа, дзе і астатнія клавіятуры.
У новай раскладцы з’явіліся літары „i” і „ў”, а таксама знікла літара „щ”. Яшчэ адна зручнасць – апостраф, які знаходзіцца побач з літарамі (гэта значыць, не прыйдзецца дзеля яго кожны раз адкрываць асобную ўкладку са знакамі прыпынку). А вось праверкі арфаграфіі пакуль няма. Магчыма, яна з’явіцца ў наступных абнаўленнях?
Глядзіце таксама
