Менчук сабраўся прабегчы 500 км у гонар Скарыны
Тарас Цялькоўскі сабраўся прабегчы ўнікальны для Беларусі ультрамарафон. За 5 дзён ён адолее дыстанцыю ў 500 км — па 100 км у дзень.
#SkarynaRun прысвечаны 500-годдзю Бібліі Францыска Скарыны.
Забег пройдзе ў Менску на трасе веласцежкі з 26 па 30 верасня.
Адважны беларус Тарас Цялькоўскі, удзельнік праекта "500 год", прабяжыць унікальны для Беларусі ўльтрамарафон #SkarynaRun, прысвечаны 500-годдзю Бібліі Францыска Скарыны. За 5 дзён ён адолее дыстанцыю ў 500 км – па 100 км у дзень. Прыходзьце падтрымаць хлопца 26.09, 10:00, табло каля Палаца Спорта.
Posted by Мая Краіна Беларусь on Montag, 25. September 2017
Тарас Цялькоўскі — былы член юніёрскай зборнай па лёгкай атлетыцы, шматразовы пераможца чэмпіянату Беларусі, удзельнік чэмпіянату Еўропы па кросе. Акрамя таго, ён скончыў Біблійную семінарыю ў Лондане. Атлет упэўнены, што з’яўленне даступнай Бібліі на зразумелай мове прывяло да залатога веку ў гісторыі краіны, а сама кніга не згубіла актуальнасці і ў наш час. Па яго словах, ён бяжыць, каб вярнуць Біблію ў рукі беларусаў.
