Улады Каталоніі падпісалі дэкларацыю аб незалежнасці
Прэзідэнт Каталоніі Карлас Пучдэмон і дэпутаты партый CUP і Junts pel Sí падпісалі дакумент, у якім гаворыцца аб абвяшчэнні незалежнасці рэгіёна ад Іспаніі, але пакуль што гэты дакумент не ўступае ў сілу. Поўны тэкст дэкларацыі публікуе El Pais.
Перад тым як падпісаць дэкларацыю, Пучдэмон выступіў перад каталонскім парламентам. Ён заявіў, што дзякуючы рэферэндуму ўлады рэгіёну атрымалі мандат на абвяшчэнне незалежнасці Каталоніі. Само абвяшчэнне Пучдэмон прапанаваў адкласці на некалькі тыдняў. Гэта трэба для «пачатку дыялогу, для дасягнення пагаднення [з Мадрыдам. – РБК], каб выканаць патрабаванні народа Каталоніі ». «Вынікамі рэферэндуму 1 кастрычніка Каталонія заслужыла права быць незалежнай дзяржавай», – падкрэсліў Пучдэмон.
Дакумент аб незалежнасці Каталоніі не быў узгоднены з усімі дэпутатамі парламента, але на ім стаіць герб женералітэта (ўрада рэгіёну). El Mundo піша, што падпісаны прэзідэнтам Каталоніі дакумент не з’яўляецца афіцыйным і быў неабходны для задавальнення партый, якія выступаюць за аддзяленне, – левай CUP і аб’яднанню дэпутатаў Junts pel Sí.
Фота: Manu Fernandez / AP
Глядзіце таксама
