Упершыню ў Беларусі ў масавы пракат выходзіць фільм у беларускай агучцы
У Беларусі ўпершыню выходзіць у масавы пракат фільм у беларускай агучцы. Прэм’ерны фільм „Шторм: лісты агню” (Нідэрлянды) будзе ісці ў шасці кінатэатрах Менска на працягу амаль двух тыдняў – з 27 кастрычніка па 8 лістапада, а ў лістападзе ў іншых гарадах Беларусі.
Фільм „Шторм: лісты агню” (2017) апавядае гісторыю 500-гадовай даўніны. У атмасферы позняга сярэднявечча, на фоне вогнішчаў інквізіцыі, разгортваецца гісторыя выратавання рукапісаў Марціна Лютэра, вядомага хрысціянскага багаслова і рэфарматара.
„Стужка ” Шторм: лісты агню „- гэта перш за ўсё прыгодніцкая карціна. Аднак адсылкі да гістарычных фактаў, якія ў ім утрымліваюцца, не толькі фармуюць цікавы сюжэт, але і пераклікаюцца з важнымі падзеямі нашай гісторыі, у прыватнасці, з 500-годдзем беларускага кнігадрукавання . Таму сімвалічна, што фільм, прысвечаны гэтым падзеям, упершыню на сучасным этапе развіцця беларускага кінапракату будзе прадстаўлены адразу ў беларускай агучцы „, – лічыць начальнік аддзела карпаратыўных камунікацый кампаніі velcom Вячаслаў Смірноў.
Прэм’ера фільма „Шторм: лісты агню” адбудзецца 27 кастрычніка. Кожнага гледача чакае не толькі цікавая гісторыя, але і прыемныя сюрпрызы, непасрэдна звязаныя з двума вялікімі юбілеямі гэтага года: 500-годдзем Рэфармацыі і 500-годдзем беларускага кнігадрукавання.
Паказ карціны арганізаваў праект „Беларускія ўікэнды” сумесна з velcom і „Атлант Тэлеком” .
