Алесь Сапега: Адкрыццё адбудзецца, але без палякаў
Шыльда па-беларуску – праграма максімум выкананая. 21 кастрычніка ў швейцарскім Залатурне адкрыюць помнік Тадэвушу Касцюшку, ініцыятарам якога выступіла мясцовая беларуская дыяспара.
На шыльдзе планавалася напісаць: “Сыну Беларусі ад удзячных суайчыннікаў”. Але супраць гэтага надпісу выступіла польская амбасада ў Швейцарыі. Калі мы зразумелі, што не атрымаецца захаваць надпіс пра “сына Беларусі”, галоўным стала дамагчыся, каб на шыльдзе быў надпіс па-беларуску – кажа Алесь Сапега:
– Мы доўгі час з амбасадарам абмяркоўвалі, які будзе наш кампраміс, і якія інтарэсы мы мусім бараніць. У лісце, які дасылаў раней мне мэр гораду, ён пазначаў, што радкі “Сыну Беларусі ад удзячных суайчыннікаў”, а таксама шыльда па-беларуску вельмі абурылі і ўзлавалі палякаў. Зразумела, што гэты надпіс мы ўжо не зможам абараніць. І нашая праграма максімум была, каб шыльда была па-беларуску таксама.
Цяпер замацаваная шыльда з надпісам «Тадэвуш Касьцюшка. 1746–1817. Ад Беларускага аб’яднання ў Швайцарыі. 2017 год» па-беларуску і нямецку. Канфлікт вырашаны, адкрыццё адбудзецца, але без палякаў – дадаў наш суразмоўца.
Улад Грынеўскі, Беларускае Радыё Рацыя
Цалкам матэрыял слухайце ў далучаным гукавым файле.
Глядзіце таксама
