Выбары ва Украіне прадэманстравалі рашучасць народа ў кірунку рэформаў
Праеўрапейская большасць парламента будзе маналітна ў прыняцці рашэнняў на гэтым вельмі цяжкім для цяперашняй Украіны шляху, кажуць жыхары Бярозаўшчыны:
– Рашэнні гэтага парламента будуць лягчэй праходзіць і абараняць самастойнасць Украіны, яе незалежнасць, тэрытарыяльную цэласнасць.
– Магчыма, Украіна стане апошнім цвіком у гэтыя дыктатарскія дзяржавы, што ўзніклі на распадзе Савецкага Саюза.
– Украіна пойдзе тым жа шляхам, што і ішла.
А вось у пытанні пра дачыненні Украіны да Беларусі і Расеі думкі апытаных раздзяліліся:
– Дачыненні з Расеяй наўрад ці палепшацца, улічваючы тое, што Расея захоўвае сваю імперскую рыторыку. Гэты парламент у дачыненнях з Расеяй і Беларуссю не зменіць стратэгічных курсаў.
-Нашы ўлады непрадказальныя. Які курс яны возьмуць – прадказаць немагчыма.
-Дачыненні паміж Украінай і Беларуссю будуць добрыя. А з Расеяй нічога добрага, мне падаецца, не будзе.
-Пакуль наш кіраўнік Лукашэнка, ніякага сяброўства ў нас не будзе. Тое ж і з Расеяй.
Многія лічаць, што ў будучым Украіна стане прыкладам для беларусаў у абароне незалежнасці, дэмакратыі і свабоды.
Беларускае Радыё Рацыя, Бяроза
Фота glavred.info
Глядзіце таксама
