Гомельскія дэмсілы ўшанавалі памяць рэпрэсаваных у гады сталінізму
Каля крыжа, усталяванага на 9-м кіламетры Чарнігаўскай шашы, актывісты навялі парадак і ўзгадалі забітых у 1930-я гады беларускіх дзеячаў, а таксама сваіх родных. Адзін з арганізатараў паездкі — Уладзімір Кацора —заклікае прысутных далучацца да змагання за адкрыццё архіваў КДБ.
— Мы з вамі тут для таго, каб адкрылася праўда. Будзе такая ініцыятыва, думаю, у гэтым месяцы збяромся, каб скласці зварот да уладаў, да КДБ, каб былі афіцыйна прызнаныя месцы і раскрытыя архівы, каб мы ведалі дакладна: колькі тут месцаў пахаванняў, дзе яны.
Грамадскі актывіст Уладзімір Няпомняшчых лічыць удзел у такіх мерапрыемствах абавязковым для кожнага прыстойнага чалавека.
— Рэпрэсіі ў нейкай ступені вяртаюцца. Ну, вядома, не ў такіх маштабах і не так сур’ёзна як у 1937 годзе, але рэпрэсіі ёсць і таму мы абавязаныя памятаць тых людзей, якія нявінна пацярпелі ад злачыннай улады.
Помны знак у выглядзе крыжа на 9-м кіламетры Чарнігаўскай шашы паўстаў з ініцыятывы дэмакратычнага гарсавета Гомеля ў пачатку 1990-х гадоў. У гэтым месцы, у 30-я гады мінулага стагоддзя, супрацоўнікі НКУС расстрэльвалі апанентаў савецкай улады.
[Not a valid template]
Беларускае Радыё Рацыя, Гомель
Глядзіце таксама
