Беларусь саступіла Латвіі на этапе „Еўрачэленджа” ў Францыі
Хакеісты зборнай Беларусі ў рэзультатыўным матчы ўступілі Латвіі 5:7 (0:2, 2:0, 3:5) на этапе „Еўрачэленджа” ў французскім Сержы.
У першым і другім перыядах каманды закінулі ў вароты адна адной па дзве шайбы. Найбольш рэзультатыўнымі атрымаліся заключныя дваццаць мінут гульні. Беларусы вялі 5:3, але не ўтрымалі перавагу ў апошнія дзесяць мінут гульні. Латвійцы за кошт удачных дзеянняў ігракоў рыжскага „Дынама” змаглі закінуць яшчэ чатыры разы. Аўтарамі галоў у зборнай Беларусі сталі Дзмітрый Буйніцкі, Дзмітрый Амбражэйчык, Арцём Ляўша, Павел Баярчук, Руслан Васільчук.
Склад беларускай каманды на гэтым турніры даволі эксперыментальны. Трэнерскі штаб раней заяўляў, што лістападаўскія матчы ў Францыі – шанц для моладзі праявіць сябе. З вопытных хакеістаў у Сержы адправіліся толькі Артур Гаўрус і Джэф Плат.
Турнір для падапечных Дэйва Льюіса прадоўжыцца ў пятніцу сустрэчай з французамі (у 22.00), а завершыцца 11 лістапада матчам з хакеістамі Славеніі.
