53-гадовы валацуга згвалтаваў дзвюх пенсіянерак
53-гадовы жыхар Свіслацкага раёна вёў бадзяжніцкі лад жыцця, паведамляе прэс-служба УУС Гарадзенскага аблвыканкама.
Раніцай 11 лістапада прыехаў на цягніку ў адзін з населеных пунктаў. Каля 9:00 пагрукаўся ў дзверы 73-гадовай жанчыны. Адразу ж пачаў выказваць прэтэнзіі: нібы жанчына ў 1988 годзе працавала бухгалтарам і не выплаціла яго таварышу суму, эквівалентную сённяшнім 240 рублям. Жанчына паспрабавала растлумачыць зламысніку, што ён памылiўся. Але ён настаяў, каб гаспадыня накрыла стол і дала выпіць, што жанчына і зрабіла. Праз паўгадзіны няпрошаны госць стаў больш настойліва прасіць грошай, а потым і зусім згвалціў пенсіянерку, забраў у яе 45 рублёў і сышоў.
Затым ён пранік у дом да яшчэ адной ужо 84-гадовай жанчыны, дзе таксама здзейсніў гвалтоўныя дзеянні і забраў 5 рублёў.
Падазраваны аператыўна быў затрыманы на чыгуначнай станцыі.
