У Беларусі ўсе пачкі цыгарэт «упрыгожаць» жудаснымі малюнкамі
З 15 лістапада ў краінах Еўразійскай эканамічнай саюза, у тым ліку Беларусі, зменіцца дызайн пачак цыгарэт – на іх у абавязковым парадку з’явяцца застрашвалыя малюнкі і надпісы пра шкоду курэння. Усяго ў ЕАЭС зацверджаны 12 малюнкаў з выявай наступстваў згубнай звычкі.
З верасня 2016 года вытворцы тытунёвай прадукцыі ў Беларусі, Расеі, Казахстане і іншых краінах ЕАЭС маглі наносіць на пачкі цыгарэт застрашвалыя карцінкі. З 15 лістапада яны ўжо будуць абавязаны гэта рабіць. На адным баку цыгарэтнай пачкі будзе знаходзіцца жудасны малюнак (напрыклад, гангрэна) і адпаведны надпіс. Іх размесцяць так, каб курэц мог бачыць кожны раз, калі дастае цыгарэту. Без страшных малюнкаў у продажы будуць знаходзіцца толькі тыя пачкі цыгарэт, які былі выраблены да 15 лістапада. Таксама на баку пачкі будзе знаходзіцца папярэджанне: «Змяшчае сістэмныя атруты, канцэрагенныя і мутагенныя рэчывы». З упаковак знікне інфармацыя аб колькасці ўтрымання смалы і нікаціну ў цыгарэтах. Гэта будзе зроблена для таго, каб не ствараць у курцоў ілюзію, што цыгарэты з меншай колькасцю утрымання смол і нікаціну наносяць меншую шкоду здароўю чалавека.
Глядзіце таксама
