У Вроцлаве загінуў супрацоўнік антытэрарыстычнага падраздзялення
У Польшчы ў час затрымання рабаўнікоў банкамату загінуў супрацоўнік антытэрарыстычнага падраздзялення, яшчэ трох праваахоўнікаў паранілі. Пра гэта паведаміла польскае агенцтва РАР.
Здарэнне адбылося ў ноч на 3 снежня ў раёне горада Вроцлава.
У час антытэрарыстычнай аперацыі злачынцы пачалі страляць з аўтаматычнай зброі па паліцэйскіх. Адзін са злаўмыснікаў быў забіты, два яго супольнікі затрыманыя.
Забітаму афіцэру было 40 гадоў, у Незалежным антытэрарыстычным падраздзяленні ён служыў восем гадоў. У загінулага засталося двое дзяцей – 8 і 12 гадоў.
Пагрозы жыццю іншых параненых супрацоўнікаў антытэрарыстычнага падраздзялення няма.
Беларускае Радыё Рацыя
