Ліга чэмпіёнаў: першыя ўдзельнікі 1/8-й
У групе „С” Лігі чэмпіёнаў УЕФАпецярбургскі „Зеніт” прымаў леверкузенскі „Баер” і саступіў з лікам 1:2. Дубль у 5-хвілінным адрэзку паядынку аформіў Сон Хын Мін. У матчы „Мальмё” – „Атлетыка” паўабаронца гасцей Коке забіў гол-прыгажун у стылі „беларускага Пеле” Аляксандра Пракапенкі, а мадрыдцы выйгралі 2:0. Футбалісты «Бенфікі» аформілі першую перамогу ў асноўным турніры Лігі чэмпіёнаў, абыграўшы на сваім полі «Манака». Гульня чацвёртага тура ў групе C завяршылася з лікам 1:0. Адзіны гол на 82-й хвіліне забіў Андэрсан Таліска.
Футбалісты лонданскага „Арсенала” не ўтрымалі перамогу над «Андэрлехтам». Сустрэча на «Эмірэйц» завяршылася з лікам 3:3, хоць “кананіры” выйгравалі 3:0. У камандзе Арсена Венгера вызначыліся Артэта, Санчэс і Окслэйд-Чэмбэрлен. У бельгійцаў дубль зрабіў Антоні Ванда Борэ, яшчэ адзін мяч на рахунку Аляксандра Мітравіча.
Футбалісты дортмундскай «Барусіі» датэрмінова сталі ўдзельнікамі 1/8 фіналу Лігі чэмпіёнаў дзякуючы перамозе ў чацвёртым туры групавога раўнду над «Галатасараем» – 4:1. У гаспадароў галы забілі Ройс, Папастатопулас і Імобіле, аўтагол на рахунку гульца турэцкага клуба.
У Турыне ледзь не здарылася сенсацыя ў матчы «Ювентус» – «Алімпіякас». «Юве» першым адкрыў лік дзякуючы голу Пірла са штрафнога на 21-й хвіліне, але ўжо на 24-й госці параўнялі лічбы на табло, а на 61-й хвіліне і вывелі грэкаў наперад. Праўда, затым ўдача адвярнулася ад «Алімпіякаса», і на 65-й хвіліне Раберта Хіменэс стаў аўтарам аўтагола, а на 66-й Поль Пагба вырваў перамогу для «Ювентуса». У канцоўцы яшчэ Артура Відаль не рэалізаваў важны пенальці (“старой сіньёры” апрача вікторыі патрэбная была большая розніца ў ліку).
«Рэал» выйграў у «Ліверпуля», які выступаў паўрэзервовым складам, з лікам 1:0 – гол у сярэдзіне першага тайма забіў Карым Бензема. Мадрыдцы забяспечылі сабе выхад у 1/8-ю. У гэтай сустрэчы Ікер Касільяс пабіў рэкорд па колькасці гульняў у Лізе чэмпіёнаў – рэалаўскі брамнік мае іх на сваім рахунку зараз 144, а ў барселонца Хаві застаецца 143.
Беларускае Радыё Рацыя
