Магілёўскі дзіцячы хоспіс шукае дапамогі ў Польшчы
У Варшаве адбылася дабрачынная сустрэча для Магілёўскага дзіцячага хоспіса. Дзіцячы хоспіс з’яўляецца грамадскай арганізацыя і цалкам фінансуецца за кошт дабрачынных ахвяраванняў. Супрацоўнікі хоспісу апекуюцца каля трыццаццю цяжкахворымі дзеткамі ў Магілёве.
Гаворыць прадстаўнік Магілёўскага дзіцячага хоспісу, Алена Болдзіна:
— Калі сутыкаешся з такім дыягназам, гэтая дапамога ў выглядзе фінансавых ці матэрыяльных сродкаў, ці нейкіх забавак у нейкай ступені можа нівеляваць гэтыя боль і цяжар. Пасля Чарнобыльскай аварыі дзіцячая анкалогія значна памаладзела.
Беларускі Дом у Варшаве стаў партнёрам Магілёўскага дзіцячага хоспіса, гаворыць сустаршыня Беларускага Дому Уладзімір Кобец:
— Мы адкрылі адмысловы рахунак для добраахвотных ахвяраванняў на карысць хоспісу. Кожны, хто не жыве ў Беларусі, хто жыве за мяжой, можа пералічыць грошы на рахунак Беларускага дому. Гэтыя грошы пойдуць у Беларусь і мы будзем справаздачыцца за кожную залатоўку, кожны грош гэтай дапамогі.
Магілёўскі дзіцячы хоспіс у гэтым годзе адзначае сваё дзесяцігоддзе. Пра патрэбы дзіцячага хоспіса можна даведацца на ягоным сайце.
Поўны матэрыял слухайце ў далучаным гукавым файле:
Фінансаваю падтрымку з Польшчы можна ажыццявіць на адмысловы рахунак Беларускага Дому
Bank Millennium S.A.
PL03 1160 2202 0000 0002 4468 1407
SWIFT: BIGBPLPW
FUNDACJA „BIAŁORUSKI DOM”
Tytuł przelewu: Darowizna na cele statutowe – Hospicjum dla Dzieci.
Эдуард Жолуд, Беларускае Радыё Рацыя, Варшава
Глядзіце таксама
