У Берасці збіраюць подпісы за падвышэнне пенсій і сацыяльных дапамог
Партыя “Справядлівы свет” праводзіць збор подпісаў за падвышэнне пенсій, стыпендый, дзіцячай дапамогі і іх індэксацыю штомесяц.
У Берасці паставілі свае подпісы ужо паўтысячы чалавек. Але ў свеце пагаршэння эканамічнай сітуацыі збор подпісаў працягваецца, кажа арганізатарка акцыі ў Берасці, кіраўнік Берасцейскай гарадской арганізацыі “Справядлівы свет” Людміла Дзенісенка:
– Мы заўважаем, як кожны дзень растуць цэны ў магазінах, на запраўках, таму ў першую чаргу гэта б’е па тых сем’ях, якія маюць дзяцей. Мы збіраем подпісы не толькі за індэксацыю пенсій, але і за індэксацыю дзіцячых дапамог, стыпендый і нават заробкаў, бо не сакрэт, што заробкі зараз зніжаюцца.
Сабраныя подпісы будуць перададзеныя ў Савет Міністраў. У выніку неналежнага рэагавання ўладаў на праблему, арганізатары будуць дамагацца правядзення круглага стала, на які будуць запрошаныя высокія саноўнікі для абмеркавання сітуацыі.
Беларускае Радыё Рацыя
Фота klerk.ru
Глядзіце таксама
