Уладзімір Арлоў прэзентаваў землякам сваё пяцікніжжа
Полацкі музей беларускага кнігадрукавання сабраў 10 студзеня вялікую колькасць прыхільнікаў творчасці Уладзіміра Арлова. Нагодай для сустрэчы стаў выхад у выдавецтве «Логвінаў» адразу пяці кніг з лепшымі творамі пісьменніка.
Кажа Уладзімір Арлоў:
– Сённяшняя нагода вельмі прыемная. Выдавецтва «Логвінаў» зрабіла мне калядна-навагодні падарунак – выдала маё пяцікніжжа. Гэта выбранае – гістарычная і сучасная проза, эсэістыка і вершы. Першая прэзентацыя адбываецца тут, у Полацку, таму што ў Менску ў «Акадэмкнізе» была толькі аўтограф-сесія.
Адначасова была прэзентавана і кніга новай прозы Уладзіміра Арлова «Танцы над горадам». Кніга складаецца з трох аповесцяў. Таямнічыя падзеі ў аднайменнай з назвай кнігі аповесці як раз і адбываюцца ў Полацку.
Цалкам матэрыял у гукавым файле:
Васіль Кроква, Беларускае Радыё Рацыя
Фота аўтара
Глядзіце таксама
