У Польшчы адбыліся пратэсты супраць новых абмежаванняў на аборты
13 студзеня каля дзвюх тысяч чалавек, у асноўным жанчыны, выйшлі на акцыю да будынка Сейма ў Варшаве. Удзельнікі мітынгу трымалі транспаранты „Ганьба!”, „Дапамога медыцынская, не божая”, „Жанчыны без абортаў будуць паміраць”.
[Not a valid template]
Падставай для новых пратэстаў стала навіна пра тое, што парламент краіны 10 студзеня накіраваў у спецыяльную парламенцкую камісію законапраект, паводле якога нават няправільнае фарміраванне плоду больш не будзе з’яўляцца умовай для дазволу на аборт. Адначасова большасць дэпутатаў Сейма, у тым ліку каля 30 палітыкаў з ліку ліберальнай апазіцыі, прагаласавалі супраць лібералізацыі законаў аб абортах.
У кастрычніку 2016 года польскі Сейм прыняў у першым чытанні законапраект аб практычна поўнай забароне абортаў, аднак масавыя пратэсты па ўсёй Польшчы, на якія выходзілі сотні тысяч чалавек, прымусілі дэпутатаў адхіліць гэты дакумент.
Беларускае Радыё Рацыя
Фота wyborcza.pl
Глядзіце таксама
