Вернісаж літоўскіх мастакоў у Гародні
У Гародні ў выставачнай зале абласнога Cаюза мастакоў адбыўся вернісаж літоўскіх мастакоў “Нічыя зямля. Пошукі.”
Чатыры дзясяткі работ раней невядомых гарадзенскай публіцы творцаў прадстаўлены як у традыцыйнай, так і ў эксперыментальнай тэхніцы. У пачатку вернісажу з прывітальным словам выступіла генеральны консул Літвы ў Гародні Аўшра Чарнявічэне:
– Хачу падзякаваць за вялікую працу гаспадароў гэтай галерэі, якія заўжды з радасцю прымаюць нашыя праекты, працы літоўскіх мастакоў. Сама назва выставы шмат гаворыць за сябе. Я думаю, што творчыя пошукі якраз характэрныя для мастакоў, якія працуюць тут, у Гародні, у Беларусі. Сённяшні вернісаж – гэта абмен творчымі ідэямі.
На адкрыццё выставы прыехала толькі адна аўтарка – Ева Бунакайтэ з Вільні. На думку мастацтвазнаўцаў, яе працы вызначаюцца эмацыйнасцю і разнастайнасцю тэхнікі жывапісаў. Усё гэта можна пабачыць бліжэйшыя два тыдні.
[Not a valid template]
Якуб Сушчынскі, Беларускае Радыё Рацыя, Гародня
Фота аўтара
Глядзіце таксама
