За арганізацыю незаконнай міграцыі асуджаныя два жыхары Кобрынскага раёна
За арганізацыю незаконнай міграцыі асуджаныя 37-гадовы і 29-гадовы жыхары аграгарадка Арэхаўскі Кобрынскага раёна.
Як паведаміла БелаПАН старшы пракурор аддзела пракуратуры Брэсцкай вобласці Надзея Некрашэвіч, мужчыны за пэўную плату пагадзіліся аказаць садзейнічанне ў перамяшчэнні па-за пунктамі пропуску праз беларуска-ўкраінскую мяжу сямі замежных грамадзян: чатырох — Бангладэш і трох — Пакістана.
9 ліпеня 2017 года яны прывезлі на аўтамабілях замежнікаў на прыгранічную тэрыторыю, дзе ўсе былі затрыманыя памежнікамі.
У дачыненні да двух жыхароў Кобрынскага раёна распачалі крымінальную справу.
4 снежня суд Кобрынскага раёна прызнаў іх вінаватымі ў арганізацыі незаконнай міграцыі (ч. 2 арт. 371-1 УК) і прыгаварыў 37-гадовага да трох гадоў і шасці месяцаў пазбаўлення волі ў калоніі ўзмоцненага рэжыму з канфіскацыяй маёмасці, 29-гадовага — да трох гадоў пазбаўлення волі з адтэрміноўкай выканання пакарання на тры гады.
37-гадовы абскардзіў прысуд і прасіў адтэрмінаваць выкананне прызначанага яму пакарання.
23 студзеня судовая калегія па крымінальных справах Брэсцкага абласнога суда пакінула яго скаргу без задавальнення. Прыгавор суда першай інстанцыі набыў законную моц.
belapan.by
Глядзіце таксама
