Алена Янушкоўская запрасіла Лукашэнку паглядзець, як жыве сапраўдная Беларусь
Прамоўца Беларускай хрысціянскай дэмакратыі Алена Янушкоўская ў Віцебскія абласны і раённы саветы дэпутатаў выступіла з відэазваротам да Аляксандра Лукашэнкі, у якім заклікала яго прыехаць у Заронаўскі сельсавет.
“Я вам пакажу сапраўдную Беларусь, там, дзе людзі жывуць, а не тую Беларусь, што вы паказваеце па тэлевізары. Не тую Беларусь, дзе перад вашым прыездам мыюць дахі і фарбуюць траву. Я пакажу вам, як людзі выжываюць. Як людзі гадамі п’юць іржавую ваду. Як у найцудоўнейшае возера цякуць фекаліі са шматкватэрных дамоў. Я вам пакажу, як людзі жывуць без гарачай вады. Як у людзей плесенню пакрытыя ўсе жылыя памяшканні. Вось так жывуць людзі. Людзі, якія не маюць працы. І ніякія гаспадаркі іх не выратуюць”, – адзначыла яна.
“Прыязджайце! Я асабіста вам пакажу. Правязу вас па Заронаўскім сельсавеце і пакажу, што нарабілі вашыя гаспадаравыя слугі за 23 гады, як яны разбурылі квітнеючы край. Вельмі вас чакаем, прыязджайце!” – заявіла прамоўца БХД.
Паводле bchd.info
Глядзіце таксама
