Жыхары Бярозы пра выбары
Выбары ў мясцовыя саветы пройдуць 18 лютага. Датэрміновае галасаванне пачынаецца 12 лютага. Але жадаючых прыняць удзел у выбарах дэпутатаў у мясцовыя саветы няшмат. Маніпуляцыі ўлады з выбарамі прывялі да таго, што многім бярозаўчанам яны перасталі быць цікавымі. Людзі ўпэўнены, што ўлада назначае патрэбных дэпутатаў, якія будуць верна служыць уладзе, гавораць жыхары Бярозы:
— Абсалютна безсэнсоўна.
— Я нават не ведаў, хто яны будуць.
— Пайду.
РР: А ведаеце сваіх кандыдатаў?
— Наркевіч і яшчэ нейкая жанчына.
РР: Наркевіч у абласны савет, гэта былы старшыня райвыканкама. Вы яму давяраеце? Будзеце галасаваць за яго?
— Напэўна.
— Не. Я сам чарнобылец. Льготы адмененыя цалкам. Маёй бабулі 74 гады, і льготы нават ёй адмянілі. Ніколі ў жыцці не было ніякай дапамогі. Я не паважаю і паважаць не буду.
— На выбары я не пайду. Дэпутатаў прызначае улада. Я нават кандыдатаў не ведаю і ведаць не хачу.
Было немала такіх, хто пры слове “выбары” моршчыўся, як ад зубнога болю, і не жадаў гаварыць. 20 з лішнім гадоў выбарчых фальсіфікацый далі свой плён.
Поўны матэрыял слухайце ў далучаным гукавым файле:
Беларускае Радыё Рацыя
Глядзіце таксама
