Улады выкрэслілі з улёткі незалежнага кандыдата важныя звесткі
Ва ўлётцы дзеючага незалежнага дэпутата і кандыдата ў раённы савет і Першамайскі сельвыканкам Валерыя Білібухі, зніклі звесткі пра тое, што ён дэпутат і 4 гады дапамагаў выбаршчыкам вырашаць іх праблемы. Гэтыя ўлёткі, надрукаваныя ўладай, атрымалі выбаршчыкі ў паштовыя скрыні для знаёмства з кандыдатамі.
Валерый Білібуха лічыць, што выкінулі важную інфармацыю пра яго наўмысна:
– Што нашая дзяржава можа зрабіць чалавеку, які непажаданы гэтаму рэжыму? Ачарніць яго, абліць брудам, палкі ў колы паставіць. Самы галоўны пункт у аўтабіяграфіі, што 4 гады я выконваў дэпутацкія абавязкі, кожнага выбаршчыка выслухоўваў і вырашаў іхныя праблемы, яны выразалі.
Паводле Валерыя Білібухі, ён былы заатэхнік, а цяпер лесаруб. У вачах тых, хто яго не ведае, прайграе ў параўнанні са сваімі канкурэнтамі. Адзін з якіх – ветлекар, а другі – начальнік чыгуначнай станцыі ў Першамайску. Выкінулі звесткі пра дэпутацтва, каб людзі думалі, а што можа зрабіць гэты калгаснік?
Беларускае Радыё Рацыя
Цалкам матэрыял слухайце ў далучаным гукавым файле.
Глядзіце таксама
