У Варшаве абмеркавалі стасункі Беларусі з НАТА
«НАТА – Беларусь. Павышэнне дасведчанасці дзеля даверу і стабільнасці» – пад такім загалоўкам ў Варшаве прайшла канферэнцыя з ўдзелам экспертаў з цэнтральнай ды усходняй Еўропы.
Павал Усаў з Цэнтра палітычнага аналізу ды прагнозу адзначае, што афіцыйны Менск пакуль разглядае НАТА як ворага.
— Пакуль наша краіна па-першае, знаходзіцца ў межах аўтарытарнай сістэмы, а па-другое, пакуль гэтая аўтарытарная сістэма цягне Беларусь на Усход разглядаць магчымасці і перспектывы сур’ёзных адносін з НАТА і з Захадам як такім немагчыма, але аналітыка такая рэч, якая павінна займацца таксама і магчымасцямі.
Аднак як даводзіў падчас канферэнцыі праф. Андрэй Вардамацкі з Беларускай аналітычнай майстэрні, беларусы за добрасуседзкія адносіны з Расеяй, але і за самастойнасць
— Калі мы будзем пытаць, ці хацелі б вы, каб Беларусь стала часткай Расейскай Федэрацыі у строга юрыдычным сэнсе, як Татарстан, Калмыкія ці іншыя часткі Расейскай Федэрацыі, то можна казаць, што толькі 4-5% беларусаў хочуць такога ўваходжання менавіта ў юрыдычным сэнсе гэтага слова.
Канферэнцыю, у якой прынялі ўдзел эксперты з Беларусі, Польшчы, Славаччыны, Украіны ды ЗША, ладзіў Беларускі дом ў Варшаве пры падтрымцы фонду Маршала.
Поўны матэрыял слухайце ў далучаным гукавым файле:
Валянціна Лаеўская, Беларускае Радыё Рацыя
Глядзіце таксама
