У Гайнаўцы пройдзе сустрэча з прафесарам Яўгенам Мірановічам
“Грамадска-палітычная сітуацыя на Беласточчыне ў 1944-1956 гадах” – размова на гэтую тэму з прафесарам Яўгенам Мірановічам пройдзе ў Цэнтры прамоцыі рэгіёну Чарлёнка ў Гайнаўцы. Час правядзення дыскусіі выбраны невыпадкова. 1 сакавіка абвешчаны ў Польшчы Днём “выклятых” жаўнераў. Кажа арганізатар сустрэчы, дырэктар Фонду царкоўнай музыкі Мікалай Бушко. Сустрэча непасрэдна звязана з апошнімі падзеямі ў Гайнаўцы – маршамі ў гонар “выклятых” жаўнераў, якія сталі перыядычнымі.
– Маршы “выклятых” жаўнераў, падчас якіх услаўляецца Рамуальд Райс “Буры”. Ён адказны за смерць многіх жыхароў Бельскага і Гайнаўскага паветаў. Вось мы і вырашылі пагаварыць на тэму грамадска-палітычнай сітуацыі на Беласточчыне. Адным з лепшых знаўцаў гэтай тэмы з’яўляецца прафесар Яўген Мірановіч.
1 сакавіка ў 17 гадзін у Цэнтры Чарлёнка ў Гайнаўцы у рамках „Пагаворым пра…” сустрэча з прафесарам Яўгенам Мірановічам. Пасля лекцыі чакаецца дыскусія, на якой паспрабуюць знайсці адказ на пытанне, чаму на маршы „выклятых” жаўнераў у Гайнаўцы на штандар узносіцца Рамуальд Райс „Буры”.
Валянціна Лаеўская, Беларускае Радыё Рацыя
Глядзіце таксама
