Польшча на XXV Менскай міжнароднай кніжнай выставе-кірмашы
Польскі Інстытут у Менску, Інстытут кнігі (Кракаў) і Пасольства Рэспублікі Польшча ў Рэспубліцы Беларусь запрашаюць наведаць польскі стэнд на XXV Менскай міжнароднай кніжнай выставе-кірмашы, якая з 28 лютага да 4 сакавіка 2018 года будзе праходзіць у Нацыянальным выставачным павільёне «Белэкспа» (пр. Пераможцаў, 14).
У гандлёвай частцы стэнду можна набыць найцікавейшыя кнігі з Польшчы, а таксама кнігі польскіх аўтараў у перакладзе на беларускую і рускую мовы. Выставачная частка – прэзентацыя кніг, выдадзеных пры падтрымцы Польскага Інстытута ў Менску.
На стэндзе можна будзе атрымаць інфармацыю пра Польшчу і польскі выдавецкі рынак, пра дзейнасць Польскага Інстытута ў Менску, а таксама ўзяць удзел у конкурсах і прэзентацыях.
ПРАГРАМА МЕРАПРЫЕМСТВАЎ
1 сакавіка, чацвер
17:00-18:00 – Сустрэча з аўтарам гістарычных кніг, публіцыстам Славамірам Коперам і прэзентацыя беларускамоўнага выдання яго кнігі “Жанчыны Другой Рэчы Паспалітай”. Польскі стэнд
3 сакавіка, субота
14:00-15:00 – Прэзентацыя знакамітага рамана Баляслава Пруса “Лялька” ў перакладзе на беларускую мову. Польскі стэнд
17:00-18:00 – Прэзентацыя перакладу першай часткі знакамітай “Менскай трылогіі” Сяргея Пясецкага “Яблычак”. Спецыяльны госць – Піт Паўлаў. Польскі стэнд
4 сакавіка, нядзеля
12:00-13:30 – Прэзентацыя кулінарнай кнігі Я. Фургаліньскай “Польская кухня. Адчуй смак традыцый” з дэгустацыяй. Кавярня “Меркурый” (БелЭкспа, пр. Пераможцаў, 14)
Часы працы польскага стэнда:
28.02.2018 г. 12:00-19:00
01-03.03.2018 г. 10:00-19:00
04.03.2018 г. 10:00-15:00
Падрабязная інфармацыя на сайце і ў профілях Польскага Інстытута ў сацыяльных сетках:
www.facebook.com/instytutpolski.wminsku
www.vk.com/instytut_polski_w_minsku
Польскі стэнд арганізаваны Пасольствам Рэспублікі Польшча ў Рэспубліцы Беларусь, Польскім Інстытутам у Мінску і Інстытутам кнігі (Кракаў, Польшча).
Партнёры стэнда: Ars Polona (Польшча) і Акадэмкніга (Беларусь).
