У Кітаі знялі абмежаванні на тэрмін у вярхоўнай уладзе
Парламент Кітая прагаласаваў за змену ў Канстытуцыю краіны. Папраўкі дазволяць цяпер старшыні краіны заставацца ва ўладзе на неабмежаваную колькасць тэрмінаў, паведамляе Bloomberg.
Таксама папраўкі адмяняюць абмежаванні на знаходжанне ва ўладзе віцэ-старшыні КНР.
Раней перыяд знаходжання на гэтых дзяржаўных пасадах Кітаю не мог перавышаць двух тэрмінаў запар.
Цяперашні кіраўнік дзяржавы Сі Цзіньпін павінен быў пайсці ў адстаўку ў 2023 годзе, але цяпер зможа застацца пры ўладзе на неабмежаваны час.
У галасаванні ўзялі ўдзел 2964 дэпутаты. Змены ў Канстытуцыю падтрымалі 2959 чалавек, двое прагаласавалі супраць, яшчэ трое устрымаліся, паведамляе BBC.
