ЕЗ рыхтуецца да кансультацыйнай місіі ва Украіне
Місія пачне працаваць з 1-га снежня. Такое рашэнне прынялі міністры замежных спраў ЕЗ.
Дакументы, якія вызначаюць статус і абавязкі місіі, падпісалі міністр замежных спраў Еўразвяза Федэрыка Магерыні ды міністр замежных спраў Украіны Павел Клімкін.
Рашэнне пра адпраўку місіі было прынятае яшчэ ў ліпені бягучага года. З таго часу ідуць падрыхтоўчыя працы пад кіраўніцтвам вугорца Кальмана Міжэй.
Пакуль Брусель плануе місію на два гады. Яе мэтай стане аказанне дапамогі ўладам у Кіеве ў рэформах сектара грамадскай бяспекі, у тым ліку паліцыі, пракурораў і судовых органаў. Эксперты ЕЗ будуць дапамагаць украінцам запланаваць рэформы ды належна іх рэалізаваць. Іншай важнай задачай місіі будзе маніторынг выканання правоў чалавека і змагання з карупцыяй ва Украіне.
Місія размесціцца ў Кіеве. На першыя 12 месяцаў працы Еўракамісія вызначыла бюджэт місіі на ўзроўні 13 мільёнаў еўра.
Паводле radyjo.net
Фота obozrevatel.com
Глядзіце таксама
