Рост прыватных фірм па аказанні візавых паслуг
Нягледзячы на заяву амбасадара Польшчы ў Беларусі Лешэка Шэрэпкі пра стварэнне ў наступным годзе ў Пінску візавага цэнтра, як і яшчэ ў сямі гарадах краіны, рэгістрацыя прыватных фірмаў па аказанні візавых паслуг расце. Толькі за тыдзень у горадзе над Пінай на рэгістрацыю падалі два прадпрымальнікі.
“Нават калі і з’явяцца такія цэнтры ад польскай дыпламатычнай місіі, то патрэба ў нас усё роўна застанецца”, – кажа дырэктар пінскага турыстычна-візавага агенцтва Вадзім Макееў:
– Сама ідэя, канешне, добрая. На сённяшні дзень візавымі пытаннямі займаецца больш за 100 фірмаў. У любым выпадку візавыя цэнтры не абыдуцца без субпадрадчыкаў, бо не здолеюць апрацаваць такую колькасць жадаючых атрымаць візу. У прынцыпе, і раней у пінчукоў не было праблем з атрыманнем візы. Яны звярталіся ў фірмы, іх запыты апрацоўваліся. На сённяшні дзень з’явіцца яшчэ адзін гулец, які, магчыма, неяк спросціць гэтую працэдуру.
Візавы бізнес у Беларусі – адзін з самых прыбытковых, які патрабуе мінімум укладанняў. Попыт на шэнгенскія візы сярод беларусаў расце, толькі польскімі дыпламатычнымі місіямі выдаецца звыш 350 тысяч віз.
Пятро Савіч, Беларускае Радыё Рацыя
Фота zn.ua
Глядзіце таксама
