Баранавіцкае ТБМ працягвае цыкл лекцый па гісторыі Беларусі
На сядзібе Баранавіцкага Таварыства беларускай мовы працягваецца цыкл лекцый па гісторыі роднага краю.
Гэтым разам вядомы беларускі гісторык і палітолаг Анатоль Сідарэвіч расказаў прысутным на лекцыі пра вядомых дзеячаў Беларускай Народнай Рэспублікі, якія нарадзіліся на Баранавіцкай зямлі. Слухачам вельмі спадабалася лекцыя, кажа старшыня Таварыства беларускай мовы Мікалай Падгайскі:
– Анатоль Міхайлавіч расказваў пра дзеячаў Рады БНР, больш за ўсё пра Сераду – старшыню Рады, ураджэнца нашага раёна, Кахановіча, Прушынскага.
Аляксандр Сідарэнка:
– Мой бацька расказваў, што была створана такая рэспубліка – БНР. Я вучыўся ў савецкія часы, і ў гісторыі пра гэта нічога не было. Трэба яшчэ сказаць, што нашыя людзі не ўсведамляюць, што калі б не было БНР, не было б і Беларусі.
Паводле Мікалая Падгайскага, хацелася б, каб аўдыторыя на такіх сустрэчах была больш шырокая.
„Такія лекцыі, у першую чаргу, патрэбны для вяртання нашай нацыянальнай годнасці”, – гаворыць спадар Падгайскі.
Цалкам матэрыял слухайце ў далучаным гукавым файле:
[Not a valid template]
Беларускае Радыё Рацыя
Глядзіце таксама
