Тэрарысты абстралялі блокпасты АТА, ёсць страты
Тэрарысты абстралялі блокпасты сіл антытэрарыстычнай аперацыі паблізу Сцяпанаўкі, Аляксандраўска, Стукалавай Балкі і Правалля, пад Амвросіеўкай ёсць страты сярод сілавікоў.
Пра гэта паведамляе арганізатар групы „Інфармацыйны супраціў” Дзмітрый Тымчук у Facebook.
Паводле дадзеных групы, тэрарысты абстралялі з ПТУР блокпост сіл АТА паблізу Сцяпанаўкі. Стратаў сярод вайскоўцаў няма. Быў адкрыты агонь у адказ.
Баевікі двойчы абстрэльвалі блокпост паблізу Аляксандраўска (адзін раз са стралковай зброі, другі раз з мінамёта). Стратаў сярод вайскоўцаў няма.
Са стралковай зброі абстралялі блокпасты непадалёк ад Стукалавай Балкі і Правалля (Луганская вобласць).
„З РСЗА абстраляныя пазіцыі сіл АТА паблізу Амвросіеўкі. Ёсць страты, дадзеныя ўдакладняюцца”, – паведаміў Тымчук.
Таксама, паводле яго словаў, працягваецца пошукава-выратавальная аперацыя па выратаванні экіпажа збітага тэрарыстамі Ан-26.
„На дадзены момант новай інфармацыі пра лёс экіпажа няма (вядома, што 2 члены экіпажа трапілі ў палон, пра астатніх 6 лётчыкаў інфармацыі няма)”, – паведаміў Тымчук.
