Гомельскія гісторыкі і краязнаўцы стварылі анімацыйны ролік пра свой горад
Пяціхвілінны мультфільм распавядае пра паганскія часы, перыяд ВКЛ, Рэчы Паспалітай і іншыя гістарычныя эпохі, якія адлюстраваліся на абліччы горада над Сожам.
Адна са стваральніц роліка Марыя Булавінская заўважае, што на працу пайшло каля паўгода жыцця.
— У нейкі момант мне нават прыйшлося самой навучыцца рабіць анімацыю, самой рухаць нашых персанажаў. Хачу адзначыць, што ў нас вельмі добрая каманда, што задавальнене ад выніку сваёй працы мы атрымалі. Я лічу, што мы не дарма столькі працавалі і набіраліся досведу. Гэты мульцік зойме сваё месца сярод гледачоў.
Odtwarzacz plików dźwiękowych
Ролік «Тысячагадовая гісторыя Гомеля» быў створаны суполкай краязнаўцаў «Пошукі старога Гомеля». Мультфільм мае на мэце папулярызацыю гісторыі беларускага горада. У камандзе стваральнікаў мультфільма працавалі архітэктар Сяргей Ляпін, мастак Філіп Какоша, пісьменнік Сяргей Балахонаў. Закадравы голас належыць вядомаму тэлевядоўцу Юрыю Жыгамонту.
Беларускае Радыё Рацыя, Гомель
Глядзіце таксама
