„Стары Ольса” даў канцэрт у Варшаве і хоча прыехаць у Беласток
Вядомы беларускі фольк-гурт “Стары Ольса” даў канцэрт у польскай сталіцы.
Гралі музыкі ў незвычайным месцы – камеральным клубе “Склад бутэлек” на пражскім баку горада. Усе квіткі былі распрададзеныя.
Стары Ольса прэзентаваў у Варшаве свой апошні альбом “Вада, хмель і солад”. Культура застольных песняў у Беларусі была надзвычай распаўсюджанай, хоць далёка не ўсе яны былі пра алкагольныя напоі. Прагучала на канцэрце і песня пра паход Давыда Гарадзенскага ў Нямеччыну. Спеў досыць жорсткі, бо апісвае помсту літоўскіх ваяроў на нямецкай жыхарцы, распавёў кіраўнік гурта Зміцер Сасноўскі.
Гэтым летам “Стары Ольса” мае насычаную праграму. У жніўні гурт зайграе на міжнародных спаборніцтвах па стральбе з луку, якія пройдуць у жніўні на Галюбскім замку ў польскім Добжыне.
А на дзень Грунвальдскай бітвы – 15 ліпеня гурт вельмі спадзяецца завітаць у Беласток.
Адам Завальня, Беларускае Радыё Рацыя
