Жыхары Гародні выбіраюць для адпачынку Беларусь
Турфірмы Гародні прапануюць для адпачынку туры ў розныя краіны Еўропы, на курорты Украіны ці Чарнагорыі.
Але большасць апытаных у цэнтры гораду жыхароў выбіраюць для адпачынку Беларусь:
– У гэтым годзе мы будзем адпачываць у Беларусі, таму што не падрыхтаваліся загадзя. Адпачынак у нас з мужам не супадае. Толькі тыдзень супадзе. Таму будзем адпачываць у Беларусі. Паедзем хутчэй за ўсё на Нарач з палаткамі. З дзецьмі. І будзем адпачываць па-беларуску.
– Пакуль не вырашыла. Але калі дазволяць сродкі паеду за мяжу. Калі не, буду адпачываць у Беларусі. У нас вельмі прыгожыя мясціны.
– Я са сваім дзіцём збіраюся адпачываць у Беларусі. Будзем ездзіць у Каробчыцы, па ўсіх гарадзенскіх цікавых мясцінах.
– Я ўвогуле, калі ёсць магчымасць, адпачываю ў Беларусі. Мне вельмі падабаюцца роварныя падарожжы па Беларусі. Бо шмат цікавых мясцін ёсць. І я стараюся як мага больш выязджаць і знаёміцца з імі.
Для тых, хто наведвае Беларусь, у гарадзенскіх турфірмах магчыма таксама замовіць вялікую колькасць розных экскурсій па наведванні замкаў Беларусі, а таксама адпачынак у розных санаторыях і прафілакторыях як Гарадзенскай, так і Берасцейскай абласцей.
Беларускае Радыё Рацыя, Гародня
Фота belarus.by
