Вільня з 1 ліпеня ўводзіць турыстычны падатак
Вільня з 12.00 1 ліпеня ўводзіць турыстычны падатак. Пра гэта паведамляе ru.delfi.lt.
Усім турыстам, якія будуць прыязджаць у літоўскую сталіцу, трэба будзе плаціць падатак, які складзе 1 еўра ў суткі. Ад выплаты турыстычнага збору будуць вызвалены непаўналетнія турысты і інваліды. Таксама да пачатку 2019 года ад падатку вызвалены вялікія групы турыстаў.
Адзначаецца, што гэта мера дапаможа гораду палепшыць інфраструктуру для турыстаў і ўмацаваць канкурэнтаздольнасць літоўскай сталіцы на міжнароднай арэне. За збор новага падатку будуць адказваць кампаніі, якія прадастаўляюць паслугі пражывання. Пры гэтым збор не ўключаецца ў кошт жылля, яго турысты будуць плаціць асобна, у час засялення ў гасцініцу або арандаваную кватэру.
Гаспадары жылля кожны месяц абавязаны будуць пералічваць сабраныя ад выплаты падатку сродкі на рахунак адміністрацыі Віленскай мэрыі. Згодна з папярэднімі падлікамі, турыстычны падатак дасць магчымасць папоўніць гарадскую казну ў 2019 годзе на 2 млн еўра.
Глядзіце таксама
