У Менску ўшанавалі памяць Васіля Быкава
Памяць Васіля Быкава ў дзень яго нараджэння ўшанавалі ў Менску ўскладаннем кветак на яго магілу.
Гаворыць старшыня Саюза беларускіх пісьменнікаў Барыс Пятровіч:
– Дзякуй вялікі ўсім, хто змог прыйсці да Васіля Уладзіміравіча. Мы збіраемся тут кожны год і прыходзім таксама ў іншыя дні. Я думаю, што прыйдуць сюды людзі і 22 чэрвеня – у дзень смерці Васіля Уладзіміравіча. Калі ласка, прыходзьце, ён нас усіх чакае. Ён нас усіх любіць па-ранейшаму. І мы яго любім таксама. І мы яго памятаем. І будзем памятаць, як я казаў ужо, колькі будзе жыць Беларусь, будзе жыць памяць пра Васіля Уладзіміравіча Быкава.
Народны пісьменнік Беларусі Васіль Быкаў пайшоў з жыцця 22 чэрвеня 2003 года. Пахаваны на Усходніх могілках беларускай сталіцы.
Максім Каўняровіч, Беларускае Радыё Рацыя, Менск
Глядзіце таксама
