Гомельскі тэхнапарк не зарэгістраваў ніводнага патэнту
Гомельскі навукова-тэхнічны парк не зарэгістраваў ніводнага патэнту за гады свайго існавання. Эксперт установы “Стратэгічная думка” Аляксей Харкевіч нагадвае, што рэгіянальная фабрыка інавацыяў была створаная тры гады таму:
– Сваіх патэнтаў няма. Некаторыя арганізацыі карыстаюцца чужымі патэнтамі і на падставе гэтых патэнтаў ствараюць навукаёмістую прадукцыю. Астатнія арганізацыі, а большасць з іх – гэта арганізацыі сферы паслуг, кансалтынгавыя, якія проста дазваляюць перадавы замежны досвед укараніць на беларускіх прадпрыемствах. І ў сувязі з гэтым могуць лічыцца ў нейкай ступені інавацыйнымі. Але гэта вельмі абмежаваны ровень інавацый.
Гомельскі навукова-тэхнічны парк быў зарэгістраваны восенню 2011 года. Ягоным заснавальнікам стаў абласны выканаўчы камітэт.
Беларускае Радыё Рацыя, Гомель
Фота googl.com
Глядзіце таксама
