“Падляшскі вянок” ўзнагароджаны на міжнародным фестывалі ў Балгарыі
Адразу некалькі ўзнагародаў прывезлі беларускія дзеці з Падляшша з міжнароднага фестывалю ў Балгарыі. Гэта Залаты медаль фестывалю, Залаты Кубак і Дыплом лаўрэата фестывалю. Дзіцячы танцавальны калектыў “Падляшскі вянок” прадстаўляў Польшчу на фестывалі «Прыморска-2018». “І здзівіў публіку тым, што прэзентаваў не польскую, а беларускую культуру”, – кажа стваральніца і кіраўнік калектыва Аксана Прус:
– Найбольш былі здзіўленыя гледачы, бо вельмі шмат было палякаў у якасці гасцей на фестывалі. Яны падыходзілі да нас і пыталіся, чаму гэта не польскія танцы, чаму ў нас іншыя строі і чаму мы ішлі пад двума сцягамі – афіцыйным сцягам Польшчы і нашым гістарычным бел-чырвона-белым. Многа было і беларусаў. І калі абвяшчаюць пра выступ Польшчы – а тут на сцэне паказваюць беларускія танцы, лявоніха пайшла. Таксама падыходзілі да нас, шчыра віталі, вельмі было прыемна.
[Not a valid template]
Калектыў “Падляшскі вянок” існуе некалькі гадоў. Ён створаны пры аб’яднанні бацькоў, дзеці якіх вывучаюць беларускую мову, «АБ-БА». У планах калектыва – ужо чарговыя выступы. Між іншым, 1 верасня – у Орлі і 8 верасня – на Мазурах.
Поўны гук слухайце ў далучаным гукавым файле:
Яна Запольская, Беларускае Радыё Рацыя
Фота: facebook.com/stowarzyszenie.abba
Глядзіце таксама
