Аляксандра Сасновіч пераможна стартавала на тэнісным турніры ў Маскве
Беларуская тэнісістка Аляксандра Сасновіч паспяхова пачала выступленне на турніры ў Маскве (прызавы фонд – $750 тыс.).
Сёння ў паядынку 1/16 фіналу Сасновіч, якая займае 41-е месца ў сусветным рэйтынгу, сустракалася са шведкай Ёханай Ларсан, у якой 77-я пазіцыя, і перамагла ў двух сэтах – 6:1, 6:3. Для перамогі Аляксандры Сасновіч спатрэбілася ўсяго 55 хвілін.
Турнір Moscow River Cup праводзіцца ўпершыню. Матчы праходзяць на адкрытых грунтавых кортах Нацыянальнага тэніснага цэнтра Расеі імя Хуана Антоніа Самаранча. Спаборніцтвы завершацца ў нядзелю, 29 ліпеня. Пераможца адзіночнага разраду атрымае $163 тыс.
