„Нёман” фінішаваў восьмым
29 лістапада завяршыўся чэмпіянат Беларусі па футболе сярод спаборнікаў ніжняй шасьцёркі. Гэтыя клубы парадавалі на фінішы выніковай гульнёй. ФК „Менск” разграміў на сваім полі берасьцейскае „Дынама” – 5:2. З такім жа лікам гарадзенскі „Нёман” узяў верх над бабруйскай „Белшынай”. Прычым спачатку двойчы забілі госці – вызначыліся Букаткін і Турлін. У першым тайме старажыл „Нёмана” Дзмітрый Раўнейка адзін мяч адыграў. А пасля перапынку нёманцы дамінавалі ўжо выразна. Выніковымі дуплетамі стрэлілі Павел Савіцкі і Ягор Зубовіч – 5:2.
Яшчэ ў адным матчы магілёўскі „Дняпро” і „Слуцк” разышліся мірам. Выніковае становішча ў ніжнім сэкстэце такое:
7. ФК „Менск” – 52 ачкі
8. „Нёман” – 42
9. ФК „Слуцк” – 40
10. „Белшына” – 32
11. „Дынама” Берасце – 26
12. „Дняпро” – 20
Беларускае Радыё Рацыя
