Абласное свята беларускай паэзіі на Дзятлаўшчыне
У суботу, 4 жніўня, у вёсцы Зачэпічы Дзятлаўскага раёна адбудзецца другое Гарадзенскае абласное свята беларускай паэзіі.
Арганізатарамі мерапрыемства з’яўляюцца Гарадзенскае аддзяленне Саюза беларускіх пісьменнікаў, Таварыства беларускай мовы і Дзятлаўскі гісторыка-краязнаўчы музей. Мерапрыемства ўзгоднена і дазволена Дзятлаўскім райвыканкамам.
Свята пачнецца ў Дзятлаве ў 11.30 адкрыццём мемарыяльнай дошкі стваральніку Дзятлаўскага гісторыка-краязнаўчага музея Міхасю Петрыкевічу. Потым удзельнікі мерапрыемства пераедуць у вёску Зачэпічы, дзе каля мемарыяльнага знака тром заходнебеларускім паэтам Петрусю Граніту, Гарасіму Праменю, Васілю Струменю адбудзецца выступленне паэтаў і бардаў.
Запрашаем усіх на свята беларускай паэзіі.
Беларускае Радыё Рацыя
Глядзіце таксама
