У Гожы пасля ўдару маланкі загарэўся касцёл
У Гожы, што непадалёк Гародні, маланка ляснула ў адну з вежаў мясцовага касцёлу. У выніку пажару падгарэлі некаторыя кнігі і святарскае ўбранне.
Пажар здарыўся каля шостай гадзіны вечара 14 жніўня. Яго ўдалося дастаткова хутка ліквідаваць.
Мясцовы Петрапаўлаўскі касцёл быў забудаваны ў 1862-65 гадах. Храм ужо аднойчы гарэў – у час Другой сусьветнай вайны. Пасля таго пажару ён быў рэстаўраваны. У 2000-ым годзе каля касцёлу быў усталяваны вялікі крыж.
Само месца ведама з 15 стагоддзя як вялікакняжацкі двор Ожа (Гожа) у Трокскім ваяводстве ВКЛ. З 1598 года – уладанне Я. Міцуты, з 1761 года- мястэчка, цэнтр староства.
Беларускае Радыё Рацыя
фота newgrodno.by
