Журналістка-фрылансер Тамара Шчапёткіна чарговы раз пакарана штрафам
Журналістка-фрылансер Тамара Шчапёткіна чарговы раз пакарана штрафам у 40 базавых велічынь за працу без акрэдытацыі на Беларускае Радыё Рацыя.
Для вынясення такога рашэння суддзі Баранавіцкага суда Юльяне Шчэрбе хапіла міліцэйскіх пратаколаў, адзін з якіх быў фальсіфікаваны, і такіх вось паказанняў сведак:
— Я адмаўляюся ад паказанняў, бо ўсё гэта фальш. Гэта не суд а судзілішча.
— Вы казалі пра мікрафон, які трымала Тамара Васільеўна?
— На дадзены момант я не памятаю.
— Добра. Дзе Тамара Васільеўна выкарыстоўвала мікрафон пры гэтай экскурсіі?
— Яна не хадзіла са мной побач і можа яна стаяла сярод удзельнікаў экскурсіі. Я ж не мог сузіраць сорак чалавек адначасова.
— Тамара Васільеўна сказала, што яна карэспандэнт, толькі я не запомніў, які карэспандэнт.
Прысутныя на судзе лічаць судовы працэс заказным і дрэнна пастаўленым мерапрыемствам:
— Я прасіў: зачытайце вы хаця б артыкул, і ўсім стане зразумела, што спадарыня Шчапёткіна невінаватая. Не, суддзя адразу збегла.
— Фальсіфікавана. Было асабліва брыдка прысутнічаць.
За жнівень месяц на Тамару Шчапёткіну складзена 5 пратаколаў. Агулам журналістка пакарана штрафам у 95 базавых велічынь, што складае больш за тысячу долараў.
Поўны матэрыял слухайце ў далучаным гукавым файле:
Беларускае Радыё Рацыя
