Новы сезон гарадзенскага кніжнага клуба
Аматары беларускай літаратуры Гародні пасля летняга перапынку правялі першае пасяджэнне гарадзенскага кніжнага клуба. Сустрэча прайшла ў Цэнтры гарадскога жыцця. Пра адметнасці такіх спатканняў распавядае кіраўнік клубу Валер Мацкевіч:
— Гарадзенскі кніжны клуб — гэта такі гурток аматараў беларускай літаратуры. І яшчэ тых людзей, што выпадкова трапілі на старонку ў Фэйсбуку і вырашылі прыйсці: паглядзець, паслухаць. Можа яны адзін раз, ці двойчы будуць. Тут тое, чаго мы не паспелі прачытаць у школе, ці тое, што не трапіла ў падручнікі беларускай літаратуры. Мы спрабуем гэта знаходзіць непасрэдна у сеціве і чытаем ды выказваем свае думкі.
Для ўдзельнікаў сустрэч кніжны клуб – гэта месца, дзе можна пазнаёміцца з незвычайнай беларускай літаратурай.
— Я ўжо трэці год наведваю Чытацкі клуб. А чаму я сюды хаджу? Бо чытаць дома творы, гэта адно, а зусім іншыя справа, калі ты чуеш думкі іншых людзей, карыстаешся іх галавой, іх эмоцыямі. Гэта вельмі цікава.
— Гарадзенскі кніжны клуб, гэта для мяне магчымасць дакрануцца да беларускай літаратуры і паспрабаваць крыху разабрацца ў ёй.
На першым пасяджэнні кніжнага клуба гарадзенцы абмяркоўвалі твор Уладзіміра Караткевіча “Нельга забыць”.
Поўны матэрыял слухайце ў далучаным гукавым файле:
Беларускае Радыё Рацыя
