Памёр даследчык Палесся Фёдар Клімчук
На 84-м годзе жыцця памёр Фёдар Клімчук — спецыяліст па гісторыі й дыялекталогіі Палесся.
Ён працаваў ў Інстытуце мовазнаўства імя Якуба Коласа Нацыянальнай акадэміі навук.
Клімчук — аўтар больш чым дзвюх соцень навуковых працаў. Больш за 13 гадоў адмысловец працаваў над перакладам Новага Запавету на заходнепалескі дыялект. Апошнія паўгода Фёдар Клімчук цяжка хварэў, некалькі разоў ляжаў у бальніцы.
Інстытут мовазнаўства Акадэміі навук паведаміў, што развітанне з навукоўцам адбудзецца 24 кастрычніка а 14-й гадзіне на Альшэўскага.
