Гарадзенскі “Кубік” святкуе сваё пяцігоддзе
Гарадзенская беларускамоўная крама настольных гульняў “Кубік” збіраецца адсвяткаваць свой невялічкі юбілей вялікай колькасцю мерапрыемстваў.
Пра адметнасці святкавання кажа Антон Янкоўскі:
– Мы вырашылі зрабіць святочны тыдзень. Збіраемся пагуляць у “Паўстанцы”, гульню, з якой усё пачалося, каб узгадаць, як гэта было пяць гадоў таму і каб расказаць, што мы хочам далей з гульнёй зрабіць. Мы збіраемся ладзіць такія настольныя вячоркі з настолкамі, півам і музыкам. Можна будзе прыйсці, у міні-турнірах паўдзельнічаць, паслухаць.
А працяг святкавання адбудзецца ў адным з вялікіх гандлёвых цэнтраў Гародні ОldCity, адзначае Янкоўскі.
– Мы арганізоўваем у ОldCity з нашымі добрымі сябрамі сямейную гульню, дзе можна прыйсці з дзецьмі, з сям’ёй пагуляць. А ў пятніцу, 26 кастрычніка, проста запрашаем да сябе на краму. Прыходзьце гарбаты, кавы папіць. Пагаворым, пагуляем, калі надвор’е не сапсуецца.
Антон Янкоўскі ўпэўнены, што да святкавання далучацца гарадзенцы рознага ўзросту.
Беларускае Радыё Рацыя
