МЗС: Беларусь і Еўразвяз наблізіліся да аблягчэння візавых фармальнасцей
Беларусь і Еўразвяз рэальна наблізіліся да магчымасці падпісання пагадненняў аб рэадмісіі і палягчэнні візавых фармальнасцей.
Пра гэта на адкрыцці XVI Менскага форуму заявіў намеснік міністра замежных спраў Беларусі Алег Краўчанка.
„Мы працягваем працу над праектам прыярытэтаў партнёрства, хоць яна ідзе не так проста, як нам усім хацелася б. Мы рэальна наблізіліся да магчымасці падпісання пагадненняў аб рэадмісіі і палягчэнні візавых фармальнасцей. І я вельмі спадзяюся, што гэты пакет не патрапіць у такую ж сітуацыю , якая, на жаль, на дадзены момант склалася ў дачыненні да праекта прыярытэтаў партнёрства”, – сказаў намеснік міністра.
Калі кажуць пра будучыню супрацоўніцтва паміж Беларуссю і ЕЗ, Алег Краўчанка выказаў меркаванне, што цэнтральным элементам сумесных намаганняў павінна стаць заключэнне пагаднення аб партнёрстве і супрацоўніцтве.
