1. РАЦЫЯ
2. Грамадства
3. Праваслаўныя вернікі святкуюць Увядзенне ў храм Багародзіцы

Праваслаўныя вернікі святкуюць Увядзенне ў храм Багародзіцы

Вернікі Праваслаўнай царквы 4 снежня святкуюць Увядзенне ў храм Прасвятой Багародзіцы. Гэтае свята ў гонар падзеі, калі бацькі ўрачыста ўвялі ў Іерусалімскі храм Марыю – будучую Маці Божую. Прасвятой Дзеве Марыі споўнілася тады толькі тры гады.

З сённяшняга дня ў цэрквах пачынаецца чытанне літургічных тэкстаў пра Божае Нараджэнне, а таксама ўжо можна спяваць калядкі. Свята Увядзення ў храм Прасвятой Багародзіцы было ўстаноўленае ў IV стагоддзі. Падзею апісвае апакрыфічнае Евангелле апостала Якуба. Праведныя Якім і Ганна, молячыся пра нараджэнне дзіцяці, заракліся, што калі яно народзіцца, то яны аддадуць яго на служэнне Богу. Калі Дзеве Марыі споўнілася тры гады, бацькі вырашылі выканаць сваё абяцанне. У малітве і вывучэнні Святога Пісання жыла Дзева Марыя пры Іерусалімскім храме да свайго паўналецця – 15-гадовага ўзросту, пасля чаго яе выдалі замуж за цесляра Язэпа.

Беларускае Радыё Рацыя

Глядзіце таксама

Ва ўніверсітэце імя Гілевіча адкрыўся падрыхтоўчы курс па гісторыі Беларусі

Макей возьме ўдзел у міністэрскай сустрэчы АБСЕ ў Мілане

Дануце Бічэль – 81 год

У Гародні пачалася святочная акцыя „Таемны Зюзя”