Выстава “Цудоўны свет выцінанкі”
26 снежня 2018 года а 14 гадзіне у Дзяржаўным літаратурна-мемарыяльным музеі Якуба Коласа адбудзецца адкрыццё часовай экспазіцыі творчых работ членаў Беларускага саюза майстроў народнай творчасці “Цудоўны свет выцінанкі”.
Выцінанка з’яўляецца адным з відаў народнага мастацтва, часткай нацыянальнай мастацкай культуры Беларусі. Група майстроў выцінанкі Беларускага саюза майстроў народнай творчасці, якія маюць прызнаны вопыт сумесных і персанальных выстаў на тэрыторыі Беларусі і за яе межамі (Польша, Украіна, Літва, Расея, Ізраіль), наглядна прадэманструюць гэты від мастацтва ад гістарычных каранеў да сучаснасці. Асабліва цікавымі будуць кампазіцыі на тэму хрысціянскіх і народных свят.
На экспазіцыі будзе прадстаўлены поўны асартымент усіх форм папернага выцінання – ад арнаментальна-дэкаратыўных “фіранак” і “карунак” да складаных кампазіцый сюжэтна-тэматычнага характара ў выкананні майстрыц Слючанка Валянціны Антонаўны, Налівайка Вольгі Аляксанраўны, Жураўлевай Галіны Мікалаеўны, Пазняковай Валянціны Васілеўны.
У адкрыцці выставы возьме ўдзел фальклорны калектыў “Спадчына”.
Выстава дзейнічае з 26.12 2018 года па 08.01 2019 года.
Уваход вольны!
Адрас музея: г. Менск, вул. Акадэмічная, 5.
Глядзіце таксама
