Народ супраць “Табакерак”
Улады Берасцейшчыны зрабілі пераднавагодні “падарунак” жыхарам вобласці. Гэтым падарункам сталі новыя шапікі ў гарадах вобласці пад назвай “Табакеркі” па продажы цыгарэт.
Але такі “падарунак”, як паказала апытанне на вуліцах Бярозы, пераважную большасць не парадаваў. Людзі супраць “Табакерак”:
– Ля школы дарэмна паставілі. Школьнікі будуць купляць.
– Дастаткова ў крамах прадаваць. Няма чаго яшчэ больш спакушаць.
Сябры грамадскай арганізацыі “За свой горад” пачалі збіраць подпісы супраць “Табакерак”.
Кажа кіраўнік арганізацыі Ігар Маслоўскі:
– Каб гэтыя гандлёвыя павільёны “Табакерка” вынесці за межы горада ці хаця б паставіць іх на адлегласці не менш за 500 метраў ад устаноў аховы здароў’я, культуры, адукацыі і спорту.
Паводле Ігара Маслоўскага, зараз падпісалася звыш 700 чалавек. Актывіст заклікае ўсіх падпісваць петыцыю. Такая салідарнасць прадэманструе стаўленне народа да рашэння ўлады.
Цалкам матэрыял слухайце ў далучаным гукавым файле:
Беларускае Радыё Рацыя
Глядзіце таксама
